 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Раніца. Стук малатка,
Хмурыцца, браце, ня варта!
Чорнай струной у руках
Звоніць шавецкая дратва.
Ты яшчэ молад і дуж.
Шмат чаго перажылі мы.
I сутарэньняў бяду
Зможам грудзьмі маладымі.
Чуеш катрынкі агонь?
Гоніць музыку дазорца.
Гэй, не гані! У яго
Грае за пазухай сонца.
З гэтым дружыў хлапчуком
Некалі Шолам Алейхем.
Грай, мэламан, пад акном,
Вусны фарбуючы сьмехам!
Хай весяліць твой напеў.
Ножкам адным невялікім,
Найпрыгажэйшым, хацеў
Даць бы свае чаравікі.
Зладзіш мо' з гаспадаром?
Потам дні шэрыя росіш,
Толькі за нізкім акном
Ўсё не паменшала босых.
Шэры фартух на плячох,
Цені сплываюць па гонце.
Толькі ад песьні ў грудзёх
Быццам прачнулася сонца.
1938
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
